Kryetari i Prishtinës, Përparim Rama ka njoftuar se në bashkëpunim me Bankën Evropiane për Rindërtim dhe Zhvillim (BERZH) dhe kompaninë ndërkombëtare ARUP, synohet një reformë gjithëpërfshirëse që do të modernizojë sistemin e transportit publik.
Me anë të një postimi në Facebook, ai tha se kjo reformë përfshin disa aspekte kyçe, duke filluar me krijimin e një rrjeti të ri të trafikut urban që do të përmirësojë aksesin dhe cilësinë e shërbimeve për qytetarët, shkruan Arbresh.info.
Prioritet do të jetë zhvillimi i korsive të dedikuara për autobusët, duke garantuar një lëvizje më të shpejtë dhe të sigurt.
Po ashtu, do të implementohet një model i avancuar biletash, si dhe do të krijohen nyje transitore për lidhje më të mira ndërmjet linjave.
Një tjetër komponent i rëndësishëm i kësaj reforme është digjitalizimi i plotë i sistemit, që do të mundësojë informacione në kohë reale dhe lehtësi në përdorimin e shërbimeve.
Përveç kësaj, reforma do të ndërlidhet ngushtë me konceptin e Smart City, duke sjellë inovacione që do të përmirësojnë jetesën në kryeqytet./Arbresh.info/
Kusari-Lila pranon se e quajti Simiqin “vëlla”: Në serbisht ...
Veliaj pret në Tiranë ushtarin ukrainas, thotë se i falënder...
Hamza për punëtoritë nëpër Kosovë: Kudo që po shkoj, po marr...
Peci në Junik: Për herë të parë kemi mbështetur gështenjën m...
Mbyllen hetimet për dosjen e Sali Berishës, rasti shkon në g...
Qeveria gjermane s’e konfirmon pranimin e letrës së diasporë...